Արթուր Աբրահամը հանդիպել է իր մրցակցի՝ Նիկոլա Սյեկլոցայի հետ

Այսօր՝ ապրիլի 8-ին, Բեռլինում հայ պրոֆեսիոնալ բռնցքամարտիկ, սուպերմիջին քաշային կարգում WBO վարկածով աշխարհի չեմպիոն Արթուր Աբրահամը մամլո ասուլիսի ձևաչափով հանդիպել է իր մրցակցի՝ Նիկոլա Սյեկլոցայի հետ,այս մասին ֆեյսբուքյան իր էջում գրել է Աբրահամի մամլո խոսնակ Սիրան Գրիգորյանը: 

Արթուր Աբրահամն աշխարհի չեմպիոնի տիտղոսի պաշտպանության առաջիկա մենամարտն անցկացնելու է մայիսի 3-ին, Բեռլինում: Արթուր Աբրահամի (39-4, 28 նոկաուտ) մրցակիցը Չեռնոգորիան ներկայացնող Նիկոլա Սյեկլոցան է (26-1, 8 նոկաուտ):

Հիշեցնենք, որ մարտի 1-ին կայացած Արթուր Աբրահամ - Ռոբերտ Շտիգլից 3-րդ մենամարտում Արթուր Աբրահամը հաղթեց Ռոբերտ Շտիգլիցին՝ վերադարձնելով աշխարհի չեմպիոնի տիտղոսը: