«Ռեալը» և «Չելսին» Չեմպիոնների լիգայի կիսաեզրափակչում են (տեսանյութ)

Այսօր ավարտվեցին Չեմպիոնների լիգայի քառորդ եզրափակչի պատասխան երկու հանդիպում:

Դորտմունդի «Բորուսիան» սեփական հարկի տակ երկու անպատասխան գնդակ ուղարկեց «Ռեալի» դարպասը:

Դաշտի տերերի կազմում դուբլի հեղինակ դարձավ Մարկո Ռոյսը (24, 37): Հայաստանի հավաքականի կիսապաշտպան Հենրիխ Մխիթարյանը մեկնարկային կազմում էր և մասնացեց ողջ հանդիպմանը: Հայ կիսապաշտպանը Կասիլյասի պաշտպանած դարպասը գրավելու մի քանի հնարավորություն ուներ:

Նշենք, որ հյուրերի կազմում 11 մետրանոց հարվածից վրիպեց Անխել Դի Մարիան: Չնայած նրան, որ Կլոպի թիմը հաղթեց այս խաղում, այնուամենայնիվ, երկու խաղերի արդյունքում պայքարը կշարունակի Մադրիդի «Ռեալը»:

Օրվա մյուս խաղում Լոնդոնի «Չելսին» սեփական հարկի տակ 2:0 հաշվով հաղթեց ՊՍԺ-ին: Գոլերը հեղինակեցին Շյուրլեն (32), Դեմբա Բան (87):

Թիմերի միջև առաջին խաղն ավարտվել էր 3:1 հաշվով` հօգուտ ֆրանսիական ակումբի, սակայն մրցակցի հարկի տակ խփած գոլի շնորհիվ Մոուրինյուի թիմը կշարունակի պայքարը կիսաեզրափակչում: