«Լեռը նորից մուկ կծնի»
Քաղաքական
Հայաստանում ոչ իշխանական 4 քաղաքական ուժերի համախմբումը ժամանակավոր երևույթ է: Իրականում «լեռը նորից մուկ կծնի», քանի որ այդ քաղաքական ուժերն իրենց նպատակներով և ընկալումներով խիստ տարբեր են: Ապրիլի 9-ին հրավիրած ասուլիսում նման դիտարկում արեց քաղաքագետ Շուշան Խաթլամաջյանը: Նրա խոսքով` համախմբումների պատմությունը ոչ մի հույս չի ներշնչում, ներկա ընդդիմությունը կարծես անձերի ընդդիմություն լինի: «Բացի նրանից, որ տարբեր են իրենց ընկալումները, տարբեր են ռեյտինգային հնարավորությունները, նաև տարբեր են իրենց՝ տարիքի հետ կապված հնարավորությունները»,- նշեց քաղաքագետը՝ հավելելով, որ այդ ուժերի բռնած դիրքը թույլ չի տալիս, որ իրենց շարքերը համալրեն ավելի երիտասարդ անձինք:
Խաթլամաջյանը զարմանալի չի համարում վարչապետ Տիգրան Սարգսյանի հրաժարականը: Նա նշեց, որ եթե կառավարության սկզբունքային նախագծերից մեկը չի անցնում, նորմալ է, որ կառավարությունը պաշտոնանկ է լինում: Նրա դիտարկմամբ` ընդդիմությունը նեղացած և հիասթափված է վարչապետի պաշտոնանկության փաստից: «Եթե ընդդիմությունը կարողանար պաշտոնանկ անել վարչապետին, դա շատ ողջունելի և ևս մեկ հաղթանակ կլիներ: Իսկ հիմա այդ հաղթանակի քաղցրությունը վարչապետը իրենցից գողացավ»,- նշեց քաղաքագետը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
