«Ատլետիկոն» և «Բավարիան» Չեմպիոնների լիգայի կիսաեզրափակիչում են (տեսանյութ)

Ավարտվեց Չեմպիոնների լիգայի քառորդ եզրափակիչ փուլը: Կիսաեզրափակչի մյուս երկու թիմերը արդեն հայտնի են:

Քառորդ եզրափակիչի պատասխան խաղի շրջանակներում Մադրիդի «Ատլետիկոն» սեփական հարկի տակ նվազագույն հաշվով պարտության մատնեց կատալոնական «Բարսելոնային»:

Հանդիպման միակ գոլը մեկնարկից 5 րոպե անց հեղինակեց Կոկեն:

Երկու խաղերի արդյունքում կատալոնացիները լքեցին պայքարը:

Օրվա մյուս խաղում Մյունխենի «Բավարիան» սեփական հարկի տակ 3:1 հաշվով առավելության հասավ «Մանչեսթեր Յունայթեդի» նկատմամբ:

Մյունխենցիների կազմում աչքի ընկան Մանջուկիչը (59), Մյուլերը(68) և Ռոբենը (76), հյուրերի միակ գոլը հեղինակեց Էվրան (57):

Երկու խաղերի արդյունքում գերմանական ակումբը կիսաեզրափակչի ուղեգիր նվաճեց: