«Հրապարակ». Նորմալ կառավարություն ունենալը կմնա երազանք

Ի՞նչ խնդիր լուծվեց Տիգրան Սարգսյանի հրաժարականով, եւ ինչպիսի՞ն պետք է լինի ապագա կառավարությունը՝ երեկ մեր այս հարցադրումներին ի պատասխան, Երջանիկ Աբգարյանն ասաց. «Ոչ մի խնդիր էլ չի լուծվել այդ հրաժարականով: Կարծում եմ՝ դա Սերժ Սարգսյանի գեղջկատղայական քայլն էր, ուղղված քառյակին, թե՝ տեսե՛ք, ձեզնից առաջ ընկա, թե Հայաստանում հարցեր լուծողը ես եմ: Գրում է «Հրապարակ»-ը:

«Նոր» կառավարությունն իր կազմով ոչնչով չի տարբերվելու նախորդից, որովհետեւ էլի լինելու է կատարող եւ ոչ թե գործադիր մարմին: Վերջինիս գործառույթներն արդեն մոտ 15 տարի է՝ իրականացվում է նախագահականում, իսկ վարչապետն ու նախարարները «բտվում» են՝ ապագայում քավության նոխազ դառնալու համար:

Ասենք, անողնաշարավոր Տիկոյին եկավ փոխարինելու տատիկի բալա Մուկը, ի՞նչ կարող է փոխվել մեր երկրում: Մուկն ի վիճակի կլինի՞ սկզբունքորեն մերժել նախագահականի միջամտությունը կառավարության գործերին, նա ի վիճակի՞ է տեսնել Հայաստանին սպառնացող իրական մարտահրավերները եւ գործնական միջոցառումների կառավարական ծրագիր ներկայացնել Աժ քննարկմանը դրանց դիմագրավելու վերաբերյալ, թե՞ էլի զբաղվելու է փող բաժանելով՝ նախագահականից ստացված հրահանգներին համապատասխան: Այսօր մեր երկրի բոլոր իրական հարցերը դեմ են առնում մեկ խոչընդոտի, որի վերացումը դարձել է հայերի արժանապատվության խնդիրը: Դա ղարաբաղյան կլանի եւ տեղական օլիգարխների դավաճանական իշխանության վերացման խնդիրն է: Առանց այս հարցը լուծելու նորմալ կառավարություն ունենալը կմնա երազանք»:

Շարունակությունը` «Հրապարակ» օրաթերթի այսօրվա համարում: