Ճապոնիայի կայսրը և կայսրուհին տոնում են զմրուխտե հարսանիքը
ԱՐԽԻՎ
Ճապոնիայի Ակիհիտո կայսրը և Միտիկո կայսրուհին տոնում են իրենց ամուսնության 55-րդ տարեդարձը: Չնայած նշանակալից տարեթվին` հրապարակային տոնակատարություններ պլանավորված չեն: Ինչպես նշում են զանգվածային լրատվամիջոցները, կայսերական զույգն իր զմրուխտե հարսանիքի օրը մտադիր է հանդիսավոր ընթրիքի շուրջը հանգիստ երեկո անցկացնել մերձավոր հարազատների շրջապատում:
Ակիհիտո կայսեր և Միտիկո կայսրուհու ամուսնության արարողությունը կայացել է 1959 թվականի ապրիլի 10-ին: Գահաժառանգ արքայազնը և խոշոր ալրաղաց կորպորացիայի ղեկավարի դուստրը ծանոթացել էին 1957 թվականի ամռանը թենիսի կորտում, և ապագա կայսրը, իր խոսքով, ապշել էր Միտիկո Սյոդայի գեղեցկությունից:
Նա դարձել է Ճապոնիայի պատմության մեջ առաջին գահաժառանգ արքայազնը, որը որոշել է իրեն ամուսնական կապերով կապել կայսերական տան հետ արենակցական կապեր չունեցող աղջկա հետ: Ամուսիններն ունեցել են երեք երեխա, որոնց նրանք, ի հեճուկս նախկին ավանդույթների, արքայադուստր Միտիկոյի պնդմամբ՝ դաստիարակել են ինքնուրույն:
2013 թվականի դեկտեմբերին իր 80-ամյա հոբելյանի առթիվ կայացած մամուլի ասուլիսի ընթացքում Ակիհիտո կայսրն իր կնոջը համարել է իր կյանքի ամենամեծ երջանկությունը և այն ընկերը, որը կարող է հասկանալ և աջակցել իրեն ամեն րոպե, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
