«Հրապարակ». Թե ինչու մեկ ամիս ԱԺ նիստ չպետք է տեղի ունենար

Աղվան Հովսեփյանի եղբորից' ԱԺ պատգամավոր Ռուբեն Հովսեփյանից փորձեցինք ճշտել. չի՞ նեղվում Աղվան Գառնիկիչը, որ Հովիկ Աբրահամյանը Դավիթ Հարությունյանի հետ ձեռ ձեռի՝ տորպեդահարում, ուշացնում են միասնական քննչական մարմնի ստեղծման աշխատանքները, ի դեմս օրենքի երկրորդ եւ վերջնական ընթերցումների, որոնք անցած քառօրյայից տեղափոխվեցին մեկ ամիս հետո տեղի ունենալիք քառօրյա: «Գնացեք, հարցրեք հանձնաժողովին, ինչո՞ւ եք ինձ հարցնում»,- ասաց նա:

Վրե՞ժ են լուծում: «Չէ, չէ, չկա նման բան»: Լա՞վ են Դավիթ Հարությունյանն ու Գառնիկիչ եղբայրն իրար հետ: «Ես վատ բան չեմ նկատել»: Հիմա, որ Հովիկ Աբրահամյանը վարչապետ է դառնում, էլ խոչընդոտներ չեն լինի, չէ՞: «Այն ժամանակ էլ չկային»: Ի դեպ, վերջին ներքաղաքական զարգացումներից ակնհայտ է դառնում, թե ինչու մեկ ամիս ԱԺ նիստ չպետք է տեղի ունենար, եւ ինչու մյուս քառօրյաներն ընթացան այդքան «դասռոչնի»' պատճառաբանությամբ, թե պատգամավորները գործուղման են մեկնելու: Պարզվում է' Հովիկ Աբրահամյանն էր երկարատեւ գործուղման մեկնելու… կառավարություն:

Շարունակությունը` «Հրապարակ» օրաթերթի այսօրվա համարում: