Օբամայի եկամուտները 2013 թվականին կրճատվել են 20%-ով

Ինչպես հայտնում է ria.ru-ն, ԱՄՆ-ի նախագահ Բարաք Օբաման և նրա կինը` Միշել Օբաման 2013 թվականին վաստակել են 503 հազար դոլար: Այս մասին հայտնում է Սպիտակ տան մամուլի ծառայությունը:

Անցած տարվա եկամուտներից Ամերիկայի առաջին ընտանիքը դաշնային հարկ է վճարել 98.169 դոլար: Սպիտակ տունը նշել է, որ այդ թիվն ավելի մեծ է եղել, քան անցած տարի, քանի որ նախագահն օրենք է ստորագրել, ըստ որի հարկային բեռի մեծացում է տեղի ունենում առավել հարուստ քաղաքացիների համար:

Բացի այդ, Օբամաները 23.328 դոլար են վճարել որպես տեղական հարկ իրենց հայրենի Իլինոիս նահանգում, որտեղ նրանք սեփական տուն ունեն, իսկ բարեգործական նպատակներով նախագահն ու նրա կինը նվիրաբերել են 59.251 դոլար, կամ իրենց ընդհանուր եկամտի 12,3 տոկոսը:

2013 թվականին Օբամա զոյգի ընդհանուր կարողությունը կազմել է 1,9 -6,9 միլիոն դոլար: