Մենք ճառեր կարդացողներ չենք, մենք ունենք հստակ խնդիր. «Դ!ԵՄ ԵՄ»

«Դ!եմ եմ» շարժումը հստակեցնում է իր պահանջները և առաջադրում երեք հարցեր՝ Պետական եկամուտների կոմիտեի էլեկտրոնային հաշվետվությունից հանել ավտոմատ լրացվող դաշտը, դադարեցնել պահումները և վերադարձնել քաղաքացիներից գանձված գումարները։ Մատենադարանի մոտ անցկացվող հավաքի ժամանակ շարժման անդամ Կարեն Հովհաննիսյանը հավաստիացրեց, որ շարժումը չի մարելու այնքան ժամանակ, քանի դեռ այս հարցերը լուծումներ չեն ստացել ։ «Մենք ճառեր կարդացողներ չենք, մենք ունենք հստակ խնդիր, հստակ պահանջ և հասնելու ենք դրանց կատարմանը։ Դրանք սովորական պահանջներ են, և եթե իշխանությունները չեն հրաժարվում իրենց դիրքորոշումից և լուծում տալ այս հարցին, ապա մենք պարտավորվում ենք շարունակել մեր պայքարը։ Պայքարը կշարունակվի այքան ժամանակ, քանի դեռ այդ հարցերը չեն լուծվել հօգուտ ժողովրդի և պետության: Ժողովրդի կամքն օրենք է»,-ասաց Հովհաննիսյանը։