«Որտեղ չկան պարտվողներ»
Գիտություն և Մշակույթ
Այս տարվա մայիս ամսին կմեկնարկի «ԱՐՏ-ՖԵՍՏ» երկրորդ երիտասարդական հանրապետական բաց փառատոնը` «Մեկ տանիքի ներքո» խորագրով:
Հայաստանում արդեն երկրորդ անգամ է կազմակերպվում նման մասշտաբային մշակութային միջոցառում: Այն իր մեջ ներառելու է արվեստի մի քանի տեսակ՝ թատերական արվեստ, կինոարվեստ, կերպարվեստ (գեղանկարչություն, քանդակագործություն, գրաֆիկա, լուսանկարչություն):
Փառատոնի նպատակն է երիտասարդ ստեղծագործողների համար ստեղծել ինքնադրսևորվելու, սեփական ստեղծագործությունները ներկայացնելու հնարավորություն:
Նախագծի մասին իր տեսակետն է հայտնել նաև ՀՀ վաստակավոր նկարիչ Աշոտ Համբարձումյանը.
«Սիրելի ԱՐՏ ՖԵՍՏ, չնայած արդեն մեկ տարեկան ես, բայց ինձ թվում է` դու շատ վաղուց կաս մեր մշակութային կյանքում: «ԱՐՏ ՖԵՍՏ»-ը արվեստի տոն է, որտեղ չկան պարտվողներ, որտեղ միմիայն հաղթում է գեղեցիկը, ազնիվը ու զգացմունքայինը, տոն, որտեղ արժևորվում են բոլորը և յուրաքանչյուրը: Անչափ ուրախ եմ, որ այդ ամենի անմիջական մասնակիցն եմ: Ցանկանում եմ, որ այն մշակույթային տոն դառնա յուրաքանչյուր հայի համար»:
Նշենք նաև, որ ցուցադրություններից հետո արվեստի յուրաքանչյուր տեսակից ընտրվում է մեկ ոսկե, երկու արծաթե, երեք բրոնզե մրցանակակիր:
Նախորդ տարի «ԱՐՏ-ՖԵՍՏ»-ի գեղարվեստական ղեկավարը Արմեն Մազմանյանն էր: Այդ պատճառով որոշվել է այս տարի փառատոնը նվիրել վարպետի հիշատակին:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
