Վաղամեռիկ սփյուռքահայ զույգի` Սոսեի և Ալենի հիշատակին նվիրված ծառատունկը կսկսվի ապրիլի 18-ին

Առաջիկա ուրբաթ օրը' ապրիլի 18-ին, Ստեփանավանին կից տարածքում 20 հազար ծառ կտնկվի: Ծառատունկը հիմք կդնի անտառի ստեղծմանը' նվիրված վաղամեռիկ հայրենադարձ զույգի' Սոսե Թովմասյանի և Ալեն Եկիկյանի հիշատակին: Ինչպես «Արմենպրես»-ին հայտնեցին «Էյ Թի Փի» բարեգործական հիմնադրամից, սեզոնների ընթացքում կտնկվ ի ևս 30,000 տնկի:

Հիմնադրամը կկազմակերպի ծառատունկին մասնակցել ցանկացողների տեղափոխումը Ստեփանավան: Ծառատունկից առաջ մասնագետները կսովորեցնեն քաղաքացիներին ծառ տնկել: «Էյ Թի Փի»-ի աշխատակիցների հետ միասին ծառատունկին մասնակցելու են նաև մեծ թվով կավավորներ Հայաստանից և սփյուռքից: Մասնակցել ցանկացողները իրենց ներկայությունը կարող են հաստատել մինչև ապրիլի 16-ը:

Ստեղծվել է «Սոսէ և Ալեն» հիշատակի հիմնադրամը, որը «Հայաստանի ծառատունկ ծրագրի» (ATP) հետ սկիզբ է դրել մի նախագծի, որի նպատակն է ստեղծել անտառ-հուշահամալիր' ի պատիվ Սոսե Թովմասյանի և Ալեն Եկիկյանի: Նախատեսվում էր ֆեյսբուքյան էջում հավանողների քանակը հասցնել 10 հազարի և տնկել 50 հազար ծառ, ինչը նշված ժամկետներում ստացվել է: Քարոզարշավը մեկնարկել է սեպտեմբերի 10-ին՝ Սոսեի ծննդյան օրը, և ավարտվել 2014-ի մարտի 10-ին՝ Ալենի ծննդյան օրը: