Վլադիկավկազում մեկնարկում է «Ոսկե ժանիք» կինոփառատոնը, որի ժյուրիի կազմում է նաև Արմեն Ջիգարխանյանը
Այլ
Վլադիկավկազում ապրիլի 14-ին բացվում է աշխարհում ամենաարտասովոր կինոփառատոներից մեկը՝ «Ոսկե ժանիք» միջազգային կինոստուգատեսը: Դրա գլխավոր հերոսները կդառնան կինոդերասան-կենդանիները և այն մարդիկ, ովքեր դրանց հետ աշխատում են նկարահանման հարթակում:
Փառատոնի մասնակիցների թվում են կասկադյոր կատու Կուզյան, որը խաղացել է 30 կինոնկարներում, Սավելի թութակը, որը խոսում է հինգ լեզուներով և նկարահանվել է Ալեքսանդր Լազարևի, Ելիզավետա Բոյարսկայայի, Դարյա Մորոզի հետ, իռլանդական գայլախեղդեր Վիրան և Ռիժիկը՝ միստիկական թրիլերների հերոսները, Չապա լաման, ավստրալական մետաքսամազ տերիեր Լյուկան, երեքմետրանոց փիթոնուհի Մալվինան և այլ կենդանիներ:
Փառատոնի ծրագիրը նաև նախատեսում է համերգներ, ստեղծագործական հանդիպումներ արտիստների հետ, վարժեցնողների, կասկադյորների, դերասանների ցուցադրական ելույթներ, կլոր սեղաններ, սեմինարներ և բանավեճեր:
Փառատոնի ժյուրիի, որը գլխավորում է ՌԴ-ի ժողովրդական արտիստ Վյաչեսլավ Սպեսիվցևը, կազմում են «Երալաշ» կինոժուռնալի ղեկավար Բորիս Գրաչևսկին, հանրաճանաչ մանկական կոմպոզիտոր Գրիգորի Գլադկովը, կոմպոզիտոր և կատարող Ալեքսանդր Դոբրոնրավովը, Ռուսաստանի ժողովրդական արտիստ Արմեն Ջիգարխանյանը, հաղորդել է ԻՏԱՌ-ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
