«Առավոտ». Սովետական-կոմունիստական գործելակերպը

Կրկնեմ վերջին օրերին շատերի արտահայտած միտքը. վարչապետի անձը ոչինչ չի որոշում այն քրեաօլիգարխիկ, մոնոպոլացված եւ գողական «սխոդկայով» քվոտավորված տնտեսական համակարգում, որը ձեւավորվել է վերջին 15 տարում: Եվ այն, ինչ նախորդ մեկ շաբաթում կատարվեց Հայաստանի իշխող վերնախավում՝ վաղուց արդեն հետաքրքիր չէ:

Տասներեքերորդ վարչապետի անունը հայտնի էր բոլորին, միայն Սերժ Սարգսյանն էր ձգում-ձգձգում՝ մինչեւ Սահմանադրությամբ նախատեսված վերջին օրը: Ինչո՞ւ: Ընկերս կասեր «բուռն գործունեության պատրանք էր ստեղծում»՝ խորհդատվությունների իմիտացիա. տեսե՛ք մենք ինչ ժողովրդավար ենք, տեսե՛ք խորհրդակցում ենք, դեռ գցում-բռնում ենք, թեպետ հետո իր հայտարարությամբ էլ հաստատեց, որ նշանակումը ժողովրդավարության հետ ոչ մի կապ չուներ:

Թատրոնն այդ ուղղակի ծիծաղելի էր եւ սովետական-կոմունիստական գործելակերպ էր հիշեցնում. սովետում էլ այս կամ այն պաշտոնյայի թեկնածությունը նախ հաստատվում էր կուսակցության բյուրոյում (նայած պաշտոնի մակարդակից՝ շրջկոմի բյուրոյից սկսած մինչեւ ՀՀԿ Կենտկոմի բյուրո կամ ՍՄԿԿ քաղբյուրո), հետո՝ մարդը նշանակվում էր իր պաշտոնին: Բյուրոյով հաստատվելիս մարդը շնորհակալություն էր հայտնում «հարազատ կուսակցությանը եւ անձամբ թանկագին Լեոնիդ Իլյիչին (ՀԿԿ առաջին քարտուղարին կամ շրջկոմի քարտուղարին)՝ բարձր վստահության համար» (թե վստահության բարձրը որն է, դա էլ միայն իրենք գիտեին):

Շարունակությունը` «Առավոտ» օրաթերթի այսօրվա համարում: