Ֆրանսիացի պատգամավորները խոստացել են գրավոր հարցում ուղղել կառավարությանը Քեսաբի խնդրով

Ֆրանսահայ համայնքի պատվիրակությունն ապրիլի 16-ին հանդիպել է Ֆրանսիայի Ազգային Ժողովի ընդդիմադիր աջակողմյան կուսակցության խորհրդարանական խմբակցության նախագահ Քրիսթիան Ժաքոբին: Հանդիպմանը ներկա են եղել ն ույն խմբակցության պատգամավորներ Վալերի Բուայեն և Ֆիլիպ Մեոնիեն:

Հայկական պատվիրակությունը, որի կազմում էին Ֆրանսահայ կազմակերպությունների համադրող խորհրդի համանախագահ Արա Թորանյանը և ՀՅԴ Արևմտյան Եվրոպայի կենտրոնական կոմիտեի ներկայացուցիչ Հրաչ Վարժապետյանը, խորհրդարանականներին է ներկայացրել Քեսաբի վերջին իրադարձությունները: Քննարկվել է Միջին Արևելքի փոքրամասնությունների իրադրությունը և մասնավորապես սիրիահայության իրավիճակը: Պատվիրակությունը հատուկ շեշտել է Քեսաբի հուրցում թուրքական ազդակի մասին' պահաջելով ֆրանսիական իշխանություններից' հստակ կեցվածք ընդունել և ճնշումներ բանեցնել ջիհ ադիստական ահաբեկչական խմբավորումների վրա, որպեսզի վերջիններս անմիջապես հեռանան ավանից և Քեսաբի իրական տերերը կարողանան վերադառնալ իրենց բնօրրանը:

Ֆրանսիացի պատգամավորներն իրենց հանձնառություն են հայտնել և խոստացել առաջին հերթին Ազգային Ժողովի և Սենատի առաջիկա լիագումար նիստերին' ապրիլի 23-ին և 28-ին գրավոր հարցում ուղղել կառավարությանը: Խմբակցությունը մտադիր է խորհրդարանի զույգ պալատների նիստերին Արտաքին գործերի նախարարությունից պահանջել հատուկ դիրքորոշում որդեգրել այս գծով և հրապարակայնորեն արտահայտել այն' իբրև ֆրանսիական պետության պաշտոնական քաղաքականություն:

Խմբակցությունը նաև դատապարտել է Արևմուտքի անհիմն ու անհասկնալի լռությունը Քեսաբի հանդեպ իրականացված վտանգավոր ու հարձակողական քաղաքականության: