Ատոմ Էգոյանի «Գիշերվա թագուհին» ընդգրկվել է Կաննի կինոփառոտոնի մրցութային ծրագրում
Գիտություն և Մշակույթ
Կաննի կինոփառատոնն ապրիլի 17-ին հայտարարել է իր մրցութային ծրագիրը, որում ընդգրկվել է Ատոմ Էգոյանի «Գիշերվա թագուհին» ֆիլմը:
Կաննի 67-րդ կինոփառատոնի հիմնական մրցույթում ներառվել է 18 ժապավեն: Դրանց թվում են՝ Անդրեյ Զվյագինցևի «Լևիաֆան»-ը, Ատոմ Էգոյանի «Գիշերվա թագուհին», Ժան Պիեռի և Լյուկ Դարդեննովի «Երկու օր, երկու գիշեր»-ը՝ Մարիոն Կոտիյարի գլխավոր դերակատարությամբ, ռեժիսոր Դևիդ Քրոնենբերգի «Աստղային քարտեզ»-ը՝ Ռոբերտ Պատիսոնի դերակատարությամբ, Ժան Լյուկ Գոդարի «Բառեր, մնաք բարով» կինոնկարը, Թոմի Լի Ջոնսի «Տեղացին», Քսավյե Դոլանի «Mommy»-ն և այլ ֆիլմեր:
Կաննի 67-րդ միջազգային կինոփառատոնն այս տարի կանցկացվի մայիսի 14-ից 25-ը Ֆրանսիայի Լազուրե ծովափին: Մրցույթի ժյուրին կգլխավորի նորզելանդացի ռեժիսոր Ջեյն Քեմփիոնը:
Կինոստուգատեսը կբացի ֆրանսիացի ռեժիսոր Օլիվյե Դաանի «Մոնակոյի արքայադուստրը»՝ Նիկոլ Քիդմանի դերակատարմամբ: Այս տարի փառատոնի հաղորդավարը կլինի ֆրանսիացի դերասան Լամբեր Վիլսոնը, որը հայտնի է «Մատրիցա. Վերաբեռնում» և «Արքայադուստր դե Մոնպանսիե» ֆիլմերով, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
