Բեռնար Շալանդ. «Էդգար Մանուչարյանը պետք է համարձակ և տղամարդկային ֆուտբոլ խաղա»

Ֆուտբոլի Հայաստանի ազգային հավաքականի նորանշանակ գլխավոր մարզիչ Բեռնար Շալանդն անդրադարձել է Ռուսաստան կատարած իր այցելությանը: Հայաստանի ֆուտբոլի ֆեդերացիայի պաշտոնական կայքի հետ զրույցում Շալանդը, մասնավորապես, նշել է.

-Պարոն Շալանդ, ՀՖՖ պաշտոնական կայքին տված հարցազրույցում Դուք անդրադարձաք Ռուսաստան կատարած Ձեր այցին և այն դիտարկումներին, որ արել էիք Ռուսաստանի տարբեր թիմերում հանդես եկող Հայաստանի ազգային և տարբեր տարիքային հավաքականների թեկնածու ֆուտբոլիստների խաղերը դիտելիս: Քանի որ Դուք նրանցից ոմանց հետ նաև հանդիպումներ և զրույցներ եք ունեցել, այնուամենայնիվ, որևէ ֆուտբոլիստի կառանձնացնե՞ք:

-Ես չէի ուզում որևէ կոնկրետ ֆուտբոլիստի առանձնացնել, քանի որ, ինչպես արդեն նշել եմ, բոլոր թեկնածուներից Հայաստանի ազգային հավաքականում հանդես կգան նրանք, ովքեր տվյալ պահին կլինեն լավագույն մարզավիճակում, կունենան խաղային պրակտիկա, կկարողանան դրսևորել իրենց լավագույն որակները: Բայց քանի որ անպայման ուզում եք որևէ մեկին առանձնացնեմ, կասեմ Էդգար Մանուչարյանի մասին, մանավանդ գիտեմ, որ նա հետաքրքրում է հավաքականի երկրպագուներին: Էդգար Մանուչարյանը, իսկապես, տաղանդավոր ֆուտբոլիստ է, ունի շատ լավ որակներ, ունի շատ լավ տվյալներ, որոնք նրան տրված են բնությունից և շատ պետքական կարող է լինել հավաքականին: Էդգար Մանուչարյանը պետք է կարողանա ամբողջությամբ կենտրոնանալ ֆուտբոլի վրա, պետք է ֆուտբոլային մտածողություն ձեռք բերի, պետք է չվախենա ֆուտբոլից և համարձակ, տղամարդկային ֆուտբոլ պետք է խաղա: Հայերով սիրում ե՞նք չէ, այս խոսքը: Պետք է ամբողջ դաշտում խաղա և պետք է հասկանա այսօրվա ֆուտբոլի պահանջները: Ես զրուցել եմ նրա հետ: Նա պետք է նվիրված ու քրտնաջան աշխատի, և այդ ժամանակ արդյունքներ կլինեն»: