«Հրապարակ». Մեռելոցի օրերը ոչ աշխատանքային են համարվել. չեղյալ անելու որոշում չի կայացվել

Այսօր քրիստոնյաների համար մեծ տոն է. երեկոյան' Ճրագալույցի պատարագից հետո, կավետվի. «Քրիստոս հարյավ ի մեռելոց. օրհնյալ է հարությունը Քրիստոսի»: Տեւական ժամանակ Սերժ եւ Տիգրան Սարգսյանները Ճրագալույցի պատարագը եւ Հարության ավետիսը տոնել են Սբ. Սարգիս եկեղեցում: «Կմասնակցի՞ այսօր Սերժ Սարգսյանը Ճրագալույցի պատարագին» հարցին ՀՀ նախագահի մամլո խոսնակ Արման Սաղաթելյանը տվեց հայտնի պատասխանը. ՀՀ նախագահի այցերի, միջոցառումների մասին տեղեկացվում է պատշաճ կարգով: Մեր տեղեկություններով, Սերժ Սարգսյանն այսօր հերթական մարզային այցն է կատարելու Թեղուտ, ապա՝ Դիլիջան, ուր, ըստ ամենայնի, կմասնակցի նաեւ Ճրագալույցի պատարագին:

Ինչ վերաբերում է Տիգրան Սարգսյանին, նա ավանդականի պես կլինի Սուրբ Սարգիսում՝ հարազատ Կճոյանի մոտ: Հովիկ Աբրահամյանի մասով նշենք, որ նա երեկ զբաղված էր խորհրդակցություններով. ժամանակ չկար մեր հարցերը նրան փոխանցելու, այդ թվում' հետաքրքրվելու՝ պահպանելո՞ւ է վերջինս իր նախորդի մոտեցումը' երկուշաբթի Մեռելոցի օրերը որպես ոչ աշխատանքային օրեր, թե՞ «վերանայելու» է այդ կարգը: Ի դեպ, Մեռելոցի օրերը ոչ աշխատանքային են համարվել Վեհափառի խնդրանքով: Դրանք հաստատվել են կառավարության որոշմամբ, եւ չեղյալ անելու որոշում չի կայացվել:

Շարունակությունը` «Հրապարակ» օրաթերթի այսօրվա համարում: