«Հրապարակ». Հովիկ Աբրահամյանի նշանակման իմաստը

Միանգամայն բնական է նորանշանակ վարչապետի՝ Հովիկ Աբրահամյանի ցանկությունը. լինել ակտիվ եւ հաշված օրերի ընթացքում դրական տեղաշարժեր ապահովել երկրում: Ի վերջո՝ իր նշանակման իմաստը հենց դա է. եթե անգամ դրական փոփոխություններ չկարողանա իրականացնել, ապա գոնե մի քանի ամսով դրական փոփոխությունների հույսեր ապահովի, մարդկանց մոտ հավատ արթնացնի եւ գործող իշխանության համար «թայմ-աուտ» ապահովի:

Դժվար է ասել, թե այդ «թայմ-աուտն» ինչքան կտեւի, եւ այդ քայլերն իրական փոփոխության ու շոշափելի արդյունքների կհանգեցնե՞ն, թե՞ ոչ: Ոմանք համոզված են, որ մեզանում զգալի տեղաշարժեր ապահովելու համար մի վարչապետի ու անգամ ամբողջ կառավարության փոփոխությունը շատ քիչ է՝ առնվազն հրաշքներ պետք է տեղի ունենան ու գերմարդկային ճիգեր գործադրվեն: Բայց ես վստահ եմ, որ, ունենալով մի քիչ չափավոր ախորժակ եւ որոշ ոչ իշխանական ուժերի բարեհաճությունը, անգամ մեկ վարչապետն ու կառավարության մի քանի անդամներն ունակ կլինեն հույսեր արթնացնել մեր ժողովրդի սրտում:

Երեկ, օրինակ, մարդիկ տպավորված էին Հովիկ Աբրահամյանի այցով նախագահականի մոտ ակցիա անող երիտասարդներին, նախօրեին կուտակայինի տույժերի հաշվարկը կասեցնելու մասին է հանձնարարություն տվել, զրուցել ու հուսադրել է Բուզանդի փողոցի բողոքողներին: Եթե այսպես շարունակի եւ զերծ մնա այնպիսի կոպիտ սխալներից, ինչպիսին էր մուկ եւ կատու բերած կնոջը տուգանելու քայլը, ապա գուցե ինչ-որ բան ստացվի: Մեր հասարակությունը քչով բավարարվող, փոքրիկ քայլերից ոգեւորվող եւ լավի հույսով ապրող հասարակություն է՝ այնքան քիչ բան է հարկավոր նրան բավարարելու համար: Ուղղակի մեր իշխանավորները այդ քիչն էլ են զլանում նրան տալ, սրանք միայն վերցնելու վարպետ են:

Շարունակությունը` «Հրապարակ» օրաթերթի այսօրվա համարում: