«Հրապարակ». Դեռ չեն շտապում շնորհավորել Հովիկ Աբրահամյանին

Մոտ 10 օր է, ինչ Հովիկ Աբրահամյանն զբաղեցնում է ՀՀ վարչապետի պաշտոնը, սակայն շնորհավորանքների սպասվող «հեղեղը» չկա: «Մաքսային միության պոտենցիալ անդամ Հայաստանի վարչապետին Ռուսաստանը եթե ոչ 15 րոպե հետո, ապա հաջորդ օրը պետք է շնորհավորեր, սակայն 5 օր հետո շնորհավորեց»,- ասաց ԱԳՆ մեր աղբյուրը:

Հիշեցնենք, որ Մեդվեդեւը ոչ միայն շնորհավորել էր Աբրահամյանին, այլեւ դրա նախօրեին շնորհակալական ուղերձ էր հղել Տիգրան Սարգսյանին: Ինչ վերաբերում է ԱՄՆ-ին, ապա ԱՄՆ դեսպանը, հյուրընկալվելով Հովիկ Աբրահամյանին, շնորհավորել էր նրան, առանց մանրամասնելու, թե ում կողմից է շնորհավորում` ամերիկյան ժողովրդի՞, Սպիտակ տա՞ն, Պենտագոնի՞: Վիճակն առանձնապես փայլուն չէ ոչ միայն ԵՄ երկրների եւ ԵՄ կենտրոնակայանի, այլեւ Մաքսային միության երկրների` Բատկա-Բելառուսի, ինչպես նաեւ Ղազախստանի եւ, որ ամենակարեւորն է` հարեւան Իրանի առումով: Վերջիններս էլ չեն շտապում շնորհավորել:

Շարունակությունը` «Հրապարակ» օրաթերթի այսօրվա համարում: