Բաքվում ԱՄՆ դեսպանը` Հայաստանի և Ադրբեջանի նախագահների հնարավոր հանդիպման մասին

ԱՄՆ-ն հուսով է, որ Հայաստանի և Ադրբեջանի նախագահների հանդիպումը տեղի կունենա մոտ ապագայում: Այս մասին հայտնում է ադրբեջանական ANS հեռուստաալիքը, հայտարարել է Ադրբեջանում ԱՄՆ դեսպան Ռիչարդ Մորնինգսթարը:

«Այդ հանդիպումը կարող է տեղի ունենալ ինչպես պաշտոնական, այնպես էլ ոչ պաշտոնական ձևաչափով»,-հավելել է նա:

Դիվանագետը նշել է, որ որպես ԵԱՀԿ Մինսկի խմբի համանախագահ-երկիր, ԱՄՆ-ը ակտիվ է շարունակվող բանակցային գործընթացում:

«Գտնում եմ, որ հակամարտության կարգավորման գծով կոնկրետ քայլեր քննարկելու համար Հայաստանի և Ադրբեջանի նախագահների կանոնավոր հանդիպումները շատ կարևոր են»,-ասել է Մորնինգսթարը:

Լեռնային Ղարաբաղի հակամարտության ռազմական փուլը ծագել է 1991 թ., երբ ի պատասխան ԼՂ բնակչության ինքնորոշման պահանջի, ադրբեջանական իշխանությունները փորձեցին հարցը լուծել' խորհրդային անվտանգության ուժերի (ԿԳԲ-ի հատուկ ջոկատներ) կողմից անձնագրային ռեժիմի իրականցման քողի տակ էթնիկ զտումներ իրականացնելով և լայնածավալ ռազմական գործողություններ սկսելու ճանապարհով, որը հանգեցրեց հազարավոր զոհերի և զգալի նյութական կորուստների:

1994 թ. մայիսի 12-ին ուժի մեջ մտավ Հայաստանի, Ադրբեջանի և Լեռնային Ղարաբաղի Հանրապետության ներկայացուցիչների մասնակցությամբ զինադադարի մասին ադրբեջանական կողմի խնդրանքով ստորագրված համաձայնագիրը: Ներկայում հիմնախնդրի կարգավորման շուրջ բանակցություններն ընթանում են ԵԱՀԿ Մինսկի խմբի համանախագահների (Ռուսաստան, ԱՄՆ, Ֆրանսիա) միջնորդությամբ' 2007 թ. նոյեմբերին վերջինների կողմից ներկայացված մադրիդյան առաջարկությունների հիման վրա:

Ադրբեջանը մինչև այսօր չի կատարում ՄԱԿ ԱԽ 1993 թ. 4 բանաձևերը' շարունակելով տարածաշրջանում սպառազինությունների մրցավազքի հրահրումը և կոպտորեն խախտելով ուժի և ուժի սպառնալիքի չկիրառման սկզբունքը:

Հայաստանը համոզված է, որ կարգավորման գործընթացի արդյունավետության բարձրացումն անհնար է առանց բանակցություններին հակամարտության կողմ հանդիսացող Լեռնային Ղարաբաղի լիիրավ մասնակցության