Led Zeppelin-ը երկու նոր ձայնագրություն է թողարկում

Led Zeppelin լեգենդար ռոք խումբը, որը 1980 թվականին դադարեցրել է իր գործունեությունը, հայտարարել է մինչ այժմ չհրատարակված երկու նոր տրեկների թողարկման մասին:

Առաջինը՝ "Keys to the Highway" դասական բլյուզը, ձայնագրվել է 1970 թվականին, երկրորդը՝ նրանց հանրաճանաչ "Whole Lotta Love" հիթի վաղ տարբերակներից մեկն է, տեղեկացնում է հղում անելով BBC-ն:

Երկու տրեկներն էլ կներառվեն Led Zeppelin-ի առաջին երեք ալբոմների վերահրատարակությունների ժողովածուում, որը կուղեկցվի երգերի այլընտրանքային տարբերակների մի քանի սկավառակներով, 1969-ից մինչև 1970 թվականն ընկած ժամանակաշրջանում խմբի կենդանի կատարումների ձայնագրություններով և փորձերի հատվածներով:

Ռելիզը նախատեսված է այս տարվա հունիսին: