«ՀԺ». Արմեն Մովսիսյանը` «Նաիրիտ»-ի և նախարարի պաշտոնում իր հնարավոր վերանշանակման մասին

Երեկ Աժ-ում ՀՀԿ-ական պատգամավոր Վարդան Այվազյանի հետ հանդիպման էր եկել էներգետիկայի և բնական պաշարների նախարարի պաշտոնակատար Արմեն Մովսիսյանը: Գրում է «ՀԺ»-ն:

Ըստ Այվազյանի, Մովսիսյանի հետ իրենք քննարկում էին գործնական հարցեր։ Հանդիպումը տևեց շուրջ 2 ժամ: Լրագրողը, առիթից օգտվելով, մի քանի հարց է ուղղել Արմեն Մովսիսյանին.

- Պարոն Մովսիսյան, «Նաիրիտ» գործարանում ռուսական «Ռոսնեֆտ» ընկերությունը ցանկանում էր ներդրումներ կատարել։ Ի՞նչ նորություն կա այդ գործընթացից։

- Նոր կառավարաթյունը կձևավորվի, կիմանաք։

- Բայց փաստորեն նորություն կա՞:

- Այո, կա։

- Ոուսները համաձայնե՞լ են ներդրումներ անել։

- Այո։ Մնացածը կառավարության ձևավորումից հետո հայտնի կլինի։ Ժամանակը կգա, կիմանաք։ Ներդրումներ կլինեն։

- Կմնա՞ք կառավարությունում որպես նախարար։

- Չեմ կարող ասել, կուսակցությունը կորոշի։

- Շատ կտխրե՞ք, եթե նախարար չլինեք։

- ՉԷ։

Հ.Գ. Երեկվա հանդիպումը ոմանց հիմք տվեց ենթադրելու, թե Մովսիսյանի փոխարեն կարող է էներգետիկայի և բնական պաշարների նախարար նշանակվել Վարդան Այվազյանը։ Բայց սա միայն ենթադրություն է»,–գրում է թերթը։