«Ժողովուրդ». Հայաստանի գլխավոր հիմնախնդիրը

Անվիճելի է, որ այսօր Հայաստանի գլխավոր հիմնախնդիրն օրեցօր ահագնացող արտագաղթն է: Հետեւանքները տեսանելի էին անգամ Ծիծեռնակաբերդի բարձունքում` մարդկանց շարքերը նկատելիորեն ավելի նոսր էին նախորդ տարիների համեմատ: Արտագաղթը խթանող հայաստանյան պատճառները իբրեւ թե քիչ էին, հիմա էլ ՌԴ-ն է իր միգրացիոն օրենքներով «կրակի վրա բենզին ավելացնում»' նպաստելով արտագաղթի խորացմանը: Ռուսաստանը, նախկին ԽՍՀՄ տարածքում ծնված, ռուսաց լեզվին լավ տիրապետող անձանց իրենց երկրների քաղաքացիությունից հրաժարվելու դեպքում երեք ամսում տալիս է ՌԴ անձնագիր ստանալու հնարավորություն: Եվ եթե նախկին վարչապետի բնորոշմամբ՝ նախկինում գնում էին «հեղափոխական զանգվածները», հիմա արդեն գնում են բոլոր նրանք, ովքեր կարողանում են ճանապարհածախս հայթայթել: Հասկանալի է, որ ՌԴ-ի միգրացիոն նոր օրենքը «կանաչ լույս» վառելով արտագաղթողների համար, նրանց հնարավորություն է տալիս արտագնա աշխատանքի հաշվին պահել իրենց ընտանիքները:

Բայց, շատ կարեւոր մի հանգամանք. պարզից էլ պարզ է, որ մեր ռազմավարական դաշնակիցը ոչ թե մեր հայրենակիցների, այլ իր սեփական շահերն է առաջ տանում, ինչի համար պատրաստ է անցնել բոլորի ու ամեն ինչի վրայով, անգամ դարավոր բարեկամների: Ընդամենը մնում է հայաստանյան իշխանություններին սթափվել, եւ մարդկանց իրենց հողում ապրելու համար միջոցներ ձեռք առնել, այլապես, ոսոխի դարավոր երազանքը` «Հայաստանն առանց հայերի», կդառնա իրականություն:

Շարունակությունը` «Ժողովուրդ» օրաթերթի այսօրվա համարում: