«Տո ախր, Կոմանդոսն ով ա, որ»

«Կենտրոն» հեռուստաընկերության «Հայկական ուրբաթ» ծրագրի տաղավարում Արկադի Տեր-Թադևոսյանը, նույն ինքը' Կոմանդոսը, իրեն թույլ տվեց կարծիք հայտնել, թե երկրապահը խաղեր է խաղում: Խնդրում եմ փոխանցեք դրան այս խոսքերս, որոնցից գուցե նա հետևություններ անելու ընդունակություն ունենա:

Տո ախր, Կոմանդոսն ով ա, որ: Նա ինչ բարոյական իրավունքով է երկրապահի անունը տալիս: Ինքը ողջ կյանքում խաղերի մեջ է եղել, հիմա եկել խաղ տվող է ման գալիս: Երկրապահը միշտ և ցանկացած հարցում շիտակ, ուղիղ խոսող է, հստակ դիրքորոշում և կեցվածք ունեցող: Այ, Կոմանդոս կոչեցյալն իսկապես էլ խաղեր տալու սիրահար է և մեծ վարպետ: Դա միշտ էլ մի քանի լարի վրա է խաղացել:

Չէի կամենա այս թեմային անդրադառնալ, բայց որ էկել, քամակդ քսում ես չոբանի փետին, ասեմ, թող բոլորն էլ իմանան: Իրականում Կոմանդոս անունն Արցախյան պատերազմի ժամանակ հորինվել է քարոզչական նպատակներով, արտաքին թշնամուն մոլորեցնելու համար: Իրականում Կոմանդոս հորջորջվող այս մարդը երբեք մի ջոկատ էլ չի ղեկավարել, երբեք ոչ մի բանի պատասխանատու չի եղել: Միայն Շուշիի օպերացիային է քիչ, թե շատ մասնակցել: Այս դեպքում էլ, ուղղակի օպերացիայի իրական մանրամասները քողարկելու նպատակով լեգենդ է փչվել, թե իբր Կոմանդոսն էր դա ղեկավարում: Կգան ճիշտ ժամանակներ, երբ ջրերը կզուլալվեն, երբ տունտունիկն ու այլ խաղերը կմնան երեխաներին, ողջ հանրությունը կիմանա իրականությունը Շուշիի ազատագրման մասին: Եվ դու այդ ժամանակ կամաչես, եթե իհարկե, նման զգացողությունը լրիվ խորթ չէ քեզ: Առիթից օգտվել' կամենում ես մեր ժողովրդին խաբել ու մոլորեցնել: 

Լսի, այ Կոմանդոս, քեզ դեռ 1989-ից եմ հիշում: Դեռ Մարտակերտից, Հաթերքից գիտեմ քեզ էլ, քո արած գործերն էլ, քո արժեքն էլ: Մի հատ կանգնի հայելու առաջ, մի հատ քեզ նայի: Դու որ որպես երկրապահ վազում էիր Սպարապետ Վազգեն Սարգսյանի հետևից, հիմա ոնց ես երկրապահին համարում խաղացող: Դու բա ոնց ես պատասխան տալու 8 տարեկան պատանի երկրապահների, երիտասարդ երկրապահների առաջ: Ոնց ես պատասխան տալու պատերազմի վետերանների առաջ, մեր 8 000 զոհված քաջերի առաջ: Գոնե Կոմանդոս անունիցդ ամաչի, հիշի կնքահայրերիդ: Թե չէ ընկել ես պետրոսների խելքին ու չես հասկանում' ինչեր ես դուրս տալիս: Էսքան տարիների ընթացքում գոնե հայերեն խոսել սովորեիր, գոնե կարողանայիր մտքերդ հայերենով արտահայտել: Խաղացողը դու ես ու քեզ նմանները, որ չեք հասկանում, որ երկրապահը պետքն եկած տեղը թուրքին է խաղացնում, ոչ թե ձեզ նման խաղում ու խաղեր է տալիս:

Խելքի եկ, հանդարտվիր, մի ստիպի, որ հանրության սեփականությունը դարձնենք այն խաղերը, որ տվել ես լավ ապրելու և մարդասպան որդուդ կաշին փրկելու համար: Մի ստիպի պատմենք, թե ոնց ես պետական սեփականություն հանդիսացող շենքերը քեզնով անում, հետո էլ վաճառում ու դեռ բողոքում, թե կյանքը դժվարացել է, ապրել չի լինում: Ուրիշ, ավելի շուստրի խաղերիցդ էլ ենք տեղյակ, և ամենը կհրապարակայնացնենք, եթե խելքդ գլուխդ չհավաքես:

Ազատամարտիկ, երկրապահ կամավորական

Հայրապետ Կարապետյան` Սարիկ