ՀՀ վարչապետը խոստանում է լինել Հայաստանում բիզնես գործունեություն ծավալել ցանկացողների կողքին
Քաղաքական
ՀՀ նորանշանակ վարչապետ Հովիկ Աբրահամյանը խոստանում է լինել այն մարդու կողքին, ով Հայաստանում բիզնես գործունեություն ծավալելու ցանկություն կունենա: ՀՀԿ ԳՄ նիստից առաջ ՀՀ վարչապետը զրույցի բռնվեց ֆրանսահայ քաղաքացու հետ, ով տեղեկացրեց, որ Հայաստան է եկել բիզնես հիմնելու համար: «Ի՞նչ խնդիր կա, ասեք' լուծենք»,- ասաց Աբրահամյանը՝ ընդգծելով, որ պատրաստ է կանգնել ցանկացած մեկի կողքին, ով Հայաստանում բիզնես հիմնելու ցանկություն կունենա:
Կառավարության ղեկավարը նշեց, որ եթե գործարարը գործում է օրենքի սահմաններում, ինքը՝ որպես վարչապետ, խոստանում է, որ ոչ մեկի թույլ չի տալու խանգարել նրան: «Իսկ դուք էլ վերադարձեք հայրենիք: Հրանուշ Հակոբյանն էլ է ասում, չէ՞ «Արի տուն»»,- կատակեց ՀՀ վարչապետը՝ դիմելով ֆրանսահային:
Իսկ հարցին, թե դրա համար է Հրանուշ Հակոբյանը կրկին վերանշանակվել Սփյուռքի նախարարի պաշտոնում, Աբրահամյանը նշեց, որ ոչ միայն դրա համար:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
