Հովիկ Աբրահամյանն անդրադարձել է ՀՀԿ-ում կադրային ճգնաժամի մասին խոսակցություններին

Հայաստանի Հանրապետական կուսակցությունում կադրերի ճգնաժամ չկա: Այս մասին ՀՀԿ ԳՄ նիստի մեկնարկից առաջ լրագրողների հետ զրույցի ժամանակ նշեց ՀՀ վարչապետ Հովիկ Աբրահամյանը՝ անդրադառնալով խոսակցություններին, թե կուսակցության ներսում կարդային ճգնաժամ կա: «Ես խորհուրդ եմ տալիս ամեն ասածի չհավատալ»,- ասաց նա:

Դիտարկմանը, թե ինչու են մի խումբ նախարարներ կրկին վերանշանակվել, վարչապետը պատասխանեց, որ իր համար առաջին հերթին կարևոր է որակյալ և պրոֆեսիոնալ աշխատանքը: «Եթե լավ են աշխատել, կշարունակեն պաշտոնավարել, վատ են աշխատել' կփոխենք»,- պարզաբանեց Աբրահամյանը: