Անտոնիո Բանդերասը կխաղա Պաբլո Պիկասոյի մասին պատմող ֆիլմում
Գիտություն և Մշակույթ
Իսպանացի կինոռեժիսոր Կառլոս Սաուրան, որն ավելի քան 30 ֆիլմերի հեղինակ է, որոնից մի քանիսը մրցանակների են արժանացել Կաննի և Բեռլինի կինոփառատոններում, հայտնել է, որ մտադիր է այս տարի սկսել նոր ֆիլմի՝ «33»-ի նկարահանումները, որը պատմելու է «Գեռնիկա» կտավի վրա Պաբլո Պիկասոյի աշխատելու մասին:
Ֆիլմի գործողությունների հիմնական մասը տեղի է ունենում նկարչի արվեստանոցում: Նկարահանումների համար Ֆրանսիայում ստեղծվել է Պիկասոյի ստուդիայի ճշգրիտ կրկնօրինակը, որտեղ բառացիորեն մեկ ամսվա ընթացքում ստեղծվել է նշանավոր կտավը:
Պիկասոյի դերը խաղալու համար ֆիլմի ռեժիսորը հրավիրել է Անտոնիո Բանդերասին: Դերասանը, ինչպես և Պիկասոն, ծնվել է Մալագայում:
Դերասանն արդեն հաստատել է այդ դերում նկարահանվելու իր ցանկությունը, նշելով, որ իրեն հատկապես գրավում է նկարչի ստեղծագործության ժամանակաշրջանը, որն ընտրվել է ժապավենի համար: «Կարծում եմ, որ ես արդեն հասունացել եմ այդ դերի համար»,-ասել է դերասանը:
Ֆիլմի գլխավոր կնոջ դերում կխաղա Գվինետ Փելթրոուն, ով հայտնել է, որ դա կանի «մեծ բավականությամբ»:
Կինոնկարի օպերատորը կդառնա Վիտորիո Ստորարոն, հաղորդել է ԻՏԱՌ-ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
