«Առավոտ». «Հակառուսաստանյան» ցույցերը

«Առավոտ»-ը գրում է, «Վերջերս «Ռեգնումում» կարդացի լրատվություն այն մասին, որ ապրիլի 28-ին մոտ մի տասնյակ «մարգինալներ հակառուստանյան ակցիա էին անցկացրել» Ազատության հրապարակում: «Հակառուսաստանյան» է համարվում ցույցը, որի մասնակիցները դեմ են արտահայտվել Հայաստանի` Մաքսային միությանը անդամակցելուն:

Որքան գիտեմ, Մաքսային միությունն ու Ռուսաստանը նույն բանը չեն: Ինձ, օրինակ, թվում է, որ այդ ՄՄ-ն հակասում է Ռուսաստանի, ինչպես նաեւ Բելառուսի եւ Ղազախստանի շահերին, այդ երկրները տնտեսապես ոչ մի բան էլ չեն շահում այդ միությունից, որը իզուր տեղը պետությունների միջեւ ավելորդ լարվածություն է ստեղծում: Բայց դա իրենց ժողովուրդների գործն է' նրանք կամ գտնում են, որ ղեկավարնները միշտ ճիշտ են, կամ էլ համաձայն չեն այդ ղեկավարների հետ, բայց ձայն չեն հանում:

Եթե մարդիկ ցույց են անում ՌԴ նախագահ Վլադիմիր Պուտինի քաղաքակականության դեմ, ապա դա նույնպես չի նշանակում, որ նրանք «հակառուսաստանյան» կամ, առավել եւս' «հակառուսական» դիրքորոշում ունեն: Այդպիսի նույնականացում կարող է տեղի ունենալ միայն տոտալիտար հասարակարգերում»:

Շարուակությունը` «Առավոտ» օրաթերթի այսօրվա համարում: