«Հրապարակ». Սեյրան Յուզբաշյանը կվերադառնա՞ ԱԺ

Դեռ անցյալ տարի Ազգային ժողովի այն ժամանակվա նախագահ Հովիկ Աբրահամյանը հեռացրել էր աշխատանքից ԱԺ իրավաբանական վարչության պետ Սեյրան Յուզբաշյանին: Այնուհետեւ կառուցվածքային փոփոխություն է տեղի ունեցել, եւ իրավաբանական վարչությունը լուծարվել է։ Դրա փոխարեն ստեղծվել է փորձաքննության վարչությունը, որը, ըստ էության, կատարում է նույն իրավաբանական վարչության գործառույթները, պարզապես՝ այլ անվանմամբ։ Ուշագրավ է, սակայն, որ տվյալ վարչությունը մինչ այժմ ղեկավար չունի, ու ղեկավարի պարտականությունները մինչեւ հիմա դրված են նախկին իրավաբանական, իսկ այժմ՝ փորձաքննության վարչության պետի տեղակալ Արթուր Թամազյանի ուսերին, ով Յուզբաշյանի մտերիմ ընկերն է։

Ապրիլի 28-ին, երբ ԱԺ նոր նախագահ ընտրվեց Գալուստ Սահակյանը, Սեյրան Յուզբաշյանը եկել էր խորհրդարան: Յուզբաշյանը, ասում են, Գրիգորիչի մտերիմներից է, եւ չի բացառվում, որ ԱԺ նորընտիր նախագահը փորձի վերադարձնել իր մտերիմին խորհրդարան' կրկին վարչության պետի պաշտոնում նշանակելով: Յուզբաշյանը, կարծես թե, այս առումով բավական մեծ հույսեր ունի: Ի դեպ, Յուզբաշյանի հետ աշխատած անձնակազմը միայն բացասական հուշեր ունի նրա հետ աշխատելու ժամանակներից. նա աչքի է ընկել անկանխատեսելի վարքով եւ կոպիտ վերաբերմունքով, եւ Աբրահամյանը, հավանաբար, հենց դրա համար էլ հեռացրել է նրան աշխատանքից:

Շարունակությունը`  «Հրապարակ» օրաթերթի այսօրվա համարում: