Ժոզե Մոուրինյուի հակառեկորդը

Չեմպիոնների լիգայի ընթացիկ մրցաշրջանի կիսաեզրափակիչ երկու խաղերի արդյունքում Լոնդոնի «Չելսին» եզրափակչի ուղեգիրը զիջեց Մադրիդի «Ատլետիկոյին» (1:3):

Արդյունքում, Մոուրինյուի գլխավորած թիմերը 4-րդ անգամ անընդմեջ լքում են Չեմպիոննների լիգան կիսաեզրափակչից: Այս մասին տեղեկացնում է MisterChip-ը:

2010/11, 2011/12, 2012/13 մրցաշրջաններում պորտուգալացին կիսաեզրափակիչ է հասել Մադրիդի «Ռեալի» հետ:

Ժոզե Մոուրինյուն դարձավ պատմության մեջ առաջին մարզիչը, ով 4-րդ անգամ անընդմեջ ՉԼ-ի պայքարը լքեց կիսաեզրափակիչ փուլից:

Հավելենք, որ պորտուգալացու գլխավորած թիմերը երկու անգամ նվաճել են ՉԼ-ի գավաթը. 2004թ-ին՝ «Պորտուն» , 2010թ-ին՝ «Ինտերը»: