Մելինե Դալուզյանի «երբեք»-ները հասցեատեր չունե՞ն. life.panorama.am

Ծանրորդուհի Մելինե Դալուզյանը վերջերս Facebook սոցցանցի իր էջում գրառումներ է կատարում, որոնց բովանդակությունն օգտատերերի համար տարօրինակ է թվում: Օրեր առաջ նա գրել էր. «Ես չեմ ուզում երջանկություն՝ առանց քեզ: Ներիր...», իսկ նրա վերջին գրառումը հետևյալն էր. «Բոլոր մեր «երբեք»- ները տևում են որոշակի ժամանակահատված ... «երբեք չեմ մոռանա», «երբեք չեմ հեռանա», «երբեք չեմ ստի», «երբեք բաց չեմ թողնի» ... որոշ ժամանակ հետո, մենք ստում , բաց ենք թողնում, հեռանում ու մոռանում ենք ... »:

Life.panorama.am-ը փորձեց պարզել, թե ինչն է մտահոգում ծանրորդուհուն և ում են ուղղված նրա խոսքերը. «Դրանք ոչ ոքի ուղղված չեն, պարզապես խոսքեր են»,-մեզ հետ զրույցում պարզաբանեց նա: Իր երկրպագուների մտահոգություններին ի պատասխան Մելինեն վստահեցրեց, որ իրականում որևէ լուրջ բան չկա, ամեն ինչ կարգին է՝ միաժամանակ հավելելով. «Շնորհակալ եմ բոլորին, ես էլ կաշխատեմ արդարացնել նրանց սպասելիքները»: