Անգլիայի առաջնության ամսվա լավագույն ֆուտբոլիստը և մարզիչը հայտնի են

«Քրիսթալ Փելասի» գլխավոր մարզիչ Տոնի Պուլիսը ճանաչվել է Անգլիայի առաջնության ամսվա լավագույն մարզիչ: Այս մասին տեղեկացնում է Պրեմիեր լիգայի թվիթերյան պաշտոնական էջը:

Ապրիլին 56-ամյա մասնագետի թիմը 5 խաղից 4-ում հաղթել է` բարձրանալով մրցաշարային աղյուսակի 11-րդ հորիզոնական, ինչը թիմին փրկել է մրցաշարը լքելու վտանգից:

Ամսվա լավագույն ֆուտբոլիստ է ճանաչվել «Սանդերլենդի» հարձակվող Քոնոր Ուիքհեմը:

21-ամյա ֆուտբոլիստը ապրիլին աչքի է ընկել հեղինակած 5 գոլերով: