Ազատությունը հնարավորություն ու պարտականություն է միաժամանակ. Սեյրան Օհանյանի շնորհավորական ուղերձը

ՀՀ ՊՆ Սեյրան Օհանյանը շնորհավորական ուղերձ է մամուլի ազատության օրվա կապակցությամբ: Այս մասին տեղեկանում ենք ՀՀ ՊՆ մամուլի քարտուղար Արծրուն Հովհաննիսյանի ֆեյսբուքյան էջից: Պաշտապանության նախարարի ուղերձում, մասնավորապես, ասված է. 

«Հարգելի լրագրողներ, շնորհավորում եմ մամուլի ազատության օրվա կապակցությամբ: ՄԱԿ-ի գլխավոր ասամբլեան 1993թ. դեկտեմբերի 20-ին որոշեց մայիսի 3-ը հայտարարել մամուլի ազատության համաշխարհային օր: Պատահական չէ, որ մամուլի ազատությամբ են որոշում պետության զարգացվածության աստիճանը: Ազատությունն այն արժեքն է, որը մեր ազգն ու պետությունն ընտրել է որպես հարատևման, զարգացման ու առաջընթացի հիմնական ուղի: Ազգերը ազատությամբ է, որ ձեռք են բերում լիարժեք զարգացման հնարավորություն: Հայ ազգը իր հարատևման 4500 տարիների ընթացքում չափազանց մեծ գին է վճարել ազատության համար: Մեր սերունդն այդ ազատության համար է, որ ոտքի կանգնեց և բազում նահատակների գնով այսօր ունենք ազատ ու անկախ հայրենիք: Մեզ համար շատ թանկ ու հարազատ է այդ բարձրագույն արժեքը: Ձեզ մաղթում եմ ազատ ու անաչառ աշխատանք, քանի որ ազատությունը թռիչքների գրավականն է: Ձեր ազատությամբ ու պատասխանատու աշխատանքով է զարգանում մեր երկիրը: Դուք ձեր բարձրակարգ ու պատասխանատու աշխատանքով օգնում էք մեր երկրին զարգանալ ճիշտ ու սխաներից զերծ մնալ: Ձեր համարձակ, երբեմն նրբանկատ դիտողականությամբ, բայց պատասխանատու զգուշավորությամբ պատրաստված նյութերը մեր կայացրած որոշումների վրա ճիշտ ազդեցություն են թողնում:

ՊՆ-ն վաղուց որդեգրել է թափանցիկ ու ազատ աշխատաոճ, մենք միշտ էլ կարևորել ենք մամուլի հետ ազատ ու փոխադարձ հարգանքի մթնոլորտում համագործակցելու ճանապարհը: Ազատությունը հնարավորություն ու պարտականություն է միաժամանակ: Ձեզ ազատ մարդու բարձր պատասխանատվություն եմ մաղթում: Շնորհավոր մամուլի ազատության օրը»: