«Ժողովուրդ». «Զատենք, որ տիրենք». տիրելուց հետո զլանում են «տիրություն անել»

«Սպորտը, մշակույթը քաղաքականության հետ որեւէ կապ չունեն, եւ այդ բնագավառները պետք է ղեկավարեն պրոֆեսիոնալները». սա վերջին տարիներին հրապարակ նետված մի կարգախոս է, որի հեղինակ քաղաքական ուժերի նպատակը մոտավորապես հետեւյալն է` «զատենք, որ տիրենք»: Բայց տիրելուց հետո էլ նրանք զլանում են «տիրություն անել»: Օրինակ՝ սպորտային աշխարհը «մենաշնորհելու» ցանկություն ունեցող ԲՀԿ առաջնորդ, ՀԱՕԿ նախագահ Գագիկ Ծառուկյանը, չնայած որ ամենուր հայտարարում է, թե ինքը հետաքրքրված է սպորտով ու հայ մարզիկների ապագայով, բայց իրականում պարզվում է, որ այնքան էլ այդպես չէ:

«Արմֆայթինգ» ֆեդերացիայի նախագահ Հայկ Ղուկասյանը երեկ «Ժողովուրդ»-ի հետ զրույցում հայտարարեց, որ մայիսի 11-ին ProFC վարկածով աշխարհի չեմպիոն Դավիթ Խաչատրյանը, Յարոսլավ քաղաքում թուրք մրցակցի հետ չեմպիոնական գոտու պաշտպանության մենամարտում վերջին անգամ հանդես կգա Հայաստանի դրոշի ներքո: Իսկ պատճառն այն է, որ ՀՀ-ում մարզիկը որեւէ աջակցություն չի ստանում: Դրա համար էլ ՌԴ-ում առաջարկ ստանալուց հետո, աշխարհի չեմպիոնը որոշել է համաձայնել այսուհետ մարտի դուրս գալ ՌԴ դրոշի տակ: Իսկ ՀԱՕԿ գլխավոր քարտուղար, ԲՀԿ քվոտայով նախկին նախարար Հրաչյա Ռոստոմյանը «Ժողովուրդ»-ի հետ զրույցում ընդամենը հայտարարեց, որ ինքը նոր է տեղեկացել այդ խնդրի մասին, կզեկուցի Գ. Ծառուկյանին ու նոր կորոշեն իրենց անելիքները: Ահա այսպիսի անտարբերությունն է ճակատագրեր խեղում:

Շարունակությունը` «Ժողովուրդ» օրաթերթի այսօրվա համարում: