Արդարադատության նորանշանակ նախարարը խոստացավ հանդիպել «Տոնուսից» խաբված բնակիչների հետ (տեսանյութ)

Ինչպես ավելի վաղ հայտնել էր Լուրեր.com-ը  «Տոնուս» ՍՊԸ-ի կողմից Դավիթաշեն վարչական շրջանի 2-րդ թաղամասում 44/4 և Փափազյան 118/1-ում կառուցվող բազմաբնակարան բնակելի շենքերի բնակարանատերերը բողոքի ակցիա էին անցկացնում «Արցախբանկի»' Սայաթ-Նովայի փողոցում գտնվող «Նաիրիի» մասնաճյուղի դիմաց:

Ավելի ուշ բնակիչները փորձում էին մտնել «Արցախբանկի» տարածք, սակայն բանկի աշխատակիցներն աշխատանքային ժամին դռները փակել էին բնակիչների առաջ:

Դրանից հետո «Տոնուսից» խաբված բնակիչները շարժվեցին դեպի կառավարություն, ուր ընթանում էր կառավարության նիստը:

Բնակիչները պահանջում էին հանդիպում վարչապետ Հովիկ Աբրահամյանի հետ:

Կառավարության նիստի ավարտից հետո բնակիչները մոտեցան Արդարադատության նորանշանակ նախարար Հովհաննես Մանուկյանին:

Վերջինս նշեց, որ խնդրին ծանոթ է, սակայն միայն մամուլի հրապարակումներից և առաջարկեց բնակիչներին համբերել տասն օր, ինչից հետո խոստացավ հանդիպում և խնդրի` ավելի մանրամասն քննարկում:

Մանրամասները` Լուրեր.com-ի պատրաստած տեանյութում