Պուտինն ԱՊՀ-ի ղեկավարների հետ հանդիպմանը, ի թիվս այլ հարցերի, արծարծել է Ուկրաինայի թեման

Ռուսաստանի նախագահ Վլադիմիր Պուտինը Մոսկվայում Հայաստանի, Բելառուսի, Ղրղզստանի ու Տաջիկստանի ղեկավարների հետ կայացած հանդիպմանը, ի թիվս այլ հարցերի, արծարծել է Ուկրաինայի թեման: Նա ասել է, թե Ուկրաինայի իրադրության գլխավոր պատճառը անպատասխանատու քաղաքականությունն է:

«Ես չգիտեմ՝ որքանով է իրատեսական Ուկրաինային նվիրված «Ժնև-2»-ը, սակայն, երկխոսությունից բացի, ճգնաժամի երկարաժամկետ լուծման այլ ուղի գոյություն չունի»,-նշել է Պուտինը:

«Մեր հարևանի՝ եղբայրական Ուկրաինայի օրինական ակնառու կերպով ցույց է տալիս, որ անպատասխանատու քաղաքականությունը շատ դժբախտություններ ու կորուստներ է բերում»,-ասել է նա:

Պուտինը հավելել է, որ Ուկրաինայում տեղի ունեցած իրադարձությունների հետևանքով հազարավոր մարդիկ զրկվել են խաղաղ ու բարեկեցիկ կյանքով ապրելու հնարավորությունից: «Մեզ համար, իհարկե, միևնույնը չէ այն ամենը, ինչ տեղի է ունենում Ուկրաինայում»,-ընդգծել է նա:

Նախագահը հիշեցրել է, որ նախօրյակին ինքը զրույց է ունեցել ԵԱՀԿ-ի գործող նախագահ, Շվեյցարիայի նախագահ Դիդիե Բուրկհալթերի հետ: «Մենք մտադիր ենք գործել այդ պայմանավորվածույթունների շրջանակներում, նախանշված են Ուկրաինայի իրադրության լիցքաթափման նպատակով ԵԱՀԿ-ի ջանքերի ակտիվացմանն ուղղված կոնկրետ քայլեր, նախևառաջ Կիևի ներկայիս իշխանությունների ու Ուկրաինայի հարավարևելյան տարածաշրջանների ներկայացուցիչների միջև ուղղակի երկխոսության կարգավորման հաշվին»,-ընդգծել է Պուտինը: