Թուրքիայի` Իսրայելի հետ խնդիրները մեծամասամբ հաղթահարված են. Դավութօղլու
ԱՐԽԻՎ
Թուրքիայի արտաքին գործերի նախարար Ահմեդ Դավութօղլուն Տանզանիայի ԱԳՆ ղեկավարի հետ համատեղ մամուլի ասուլիսում հայտարարել է, որ Իսրայելի հետ հարաբերությունները վերականգնելու շուրջ բանակցությունները դեռեւս վերջնական արդյունքներ չեն բերել, սակայն, «խնդիրները մեծամասամբ հաղթահարված են»: Այս մասին հայտնում է թուրքական TRT հանրային հեռուստաալիքը:
«Մենք հուսով ենք, որ այդ հարցը հնարավորինս շուտ լուծում կստանա: Մեր մարդիկ շարունակում են բանակցությունները: Ցանկանում եմ ընդգծել, որ իրադարձությունները զարգանում են դրական ուղղությամբ», -հայտարարել է Դավութօղլուն:
2011 թ. մայիսի 31-ին Գազայի հատված մարդասիրական օգնություն փոխադրող միջազգային շարասյան կազմում թուրքական «Մավի Մարմարա» նավում 9 թուրքերի զոհվելուց հետո երկու երկրների միջեւ լարված հարաբերությունները վերականգնելու մասին հայտարարությամբ ավելի վաղ հանդես էին եկել նաեւ Թուրքիայի վարչապետ Ռեջեփ Թայիփ Էրդողանը եւ Իսրայելի վարչապետ Բենիամին Նեթանյահուն: Թուրքական նավը չի ենթարկվել բեռը ստուգելու մասին Իսրայելի առափնյա ռազմական ծառայության պահանջին: Մարդիկ զոհվել էին Իսրայելի զինված ուժերի կողմից կանգնեցվելու ժամանակ բախման ընթ ացքում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
