Մեկնարկել է «Եվրատեսիլ 2014»-ի եզրափակիչ փուլը (ուղիղ միացում)

Քիչ առաջ Դանիայի մայրաքաղաք Կոպենհագենի քաղաքապետարանի պատմական շենքում մեկնարկել է «Եվրատեսիլ 2014» երգի միջազգային մրցույթի եզրափակիչ փուլը:

Նշենք, որ մայիսի 6-ին տեղի ունեցած մրցույթի առաջին կիսաեզրափակիչ փուլից հետո Հայաստանը ներկայացնող Արամ MP3-ը «Not Alone» երգով անցավ եզրափակիչ փուլ:

Այսօր Արամ MP3-ը հանդես կգա 7-րդ համարի ներքո:

Եզրափակչում հանդես կգա 26 կատարող` կիսաեզրափակիչներից անցած 20 մասնակիցները, հյուրընկալող երկիր Դանիայի ներկայացուցիչը և մրցույթի հիմնադիրներ «մեծ հնգյակի» ՝ Մեծ Բրիտանիայի, Գերմանիայի, Իսպանիայի, Իտալիայի և Ֆրանսիայի ներկայացուցիչները:

Մայիսի 10-ին «Եվրատեսիլ-2014» երգի մրցույթի եզրափակչում մասնակից երկրների ներկայացուցիչները ելույթ կունենան հետևյալ հերթականությամբ` Ուկրաինա, Բելառուս, Ադրբեջան, Իսլանդիա, Նորվեգիա, Ռումինիա, Հայաստան, Մոնտենեգրո, Լեհաստան, Հունաստան, Ավստրիա, Գերմանիա, Շվեդիա, Ֆրանսիա, Ռուսաստան, Իտալիա, Սլովենիա, Ֆինլանդիա, Իսպանիա, Շվեյցարիա, Հունգարիա, Մալթա, Դանիա, Նիդերլանդներ, Սան Մարինո և Մեծ Բրիտանիա:

«Եվրատեսիլ 2014»-ի եզրափակիչ փուլն ուղիղ միացմամբ կարող եք հետևել այստեղ: