Երբ բարբի դառնալու մոլուցքով տառապում են նաև տղամարդիկ (լուսանկարներ)

Բրազիլացի Ռոդրիգո Ալվեսը, ով ապրում է Բրիտանիայում, որոշել է իր ժառանգությունն օգտագործել իր արտաքինը բարբի տիկնիկի «նմանեցնելու նպատակով»: Այս մասին գրում է mirfactov.com-ն:

30-ամյա Ալվեսը ավելի քան 150000 դոլար է ծախսել 12 պլաստիկ վիրահատությունների և բազմաթիվ կոսմետիկ պրոցեդուրաների վրա: Նա պնդում է, որ չի կարողանում գտնել իր մտածած իդեալական դեմքն ու մարմինը:

Ալվեսը խոստովանում է, որ ամեն ինչ սկսվել է քթի վիրահատությունից, սակայն այն ուղղելուց հետո էլ երիտասարդը կրկին իրեն դժբախտ է զգացել:

Բազմաթիվ արդյունավետ մարզումներից հետո Ռոդրիգոն որոշել է դիմել է պլաստիկ վիրահատության, այն հույսով որ այդ կերպ կարող է գտնել իր երջանկությունն ու հոգեկան հանգիսը:

Վիրահատական միջամտության արդյուքնում սիլիկոնի միջոցով մկանները մեծացնելու գործընթացի ընթացքում նա հազիվ է մահից փրկվել: Բժիշկները նույնիսկ զգուշացրել են, որ հնարավոր է հեռացնեն տղամարդու ձեռքերից մեկը, իսկ քիմիական և թունավոր նյութը սրտին հասնելու դեպքում մահն անխուսափելի կլիներ: Բարեբախտաբար, բժիշկներին հաջողվում է փրկել նրան:

Բժիշկները նրա մոտ դիսմորֆոֆոբիա են ախտորոշել։ Սա մի հիվանդություն է, երբ մարդը չափից ավելի անհանգստացած և զբաղված է իր մարմնի աննշան թերություններով: Սովորաբար դա սկսվում է երիտասարդ կամ դեռահաս հասակում: 

Դիսմորֆոֆոբիան սովորաբար արտահայտվում է այն մարդկանց մոտ, ովքեր քննադատաբար են մոտենում իրենց արտաքինին, չնայած նրանց արտաքինում նշանակալի թերությունների բացակայությանը և նրա, որ շրջապատը հատուկ ուշադրություն չի դարձնում կամ էլ ընդհանրապես չի նկատում այդ թերությունները: