10 օր անց Տանձիկ լճից դուրս է բերվել ՊՆ սպայի դին

Արփա գետի երկայնքով հրշեջ-փրկարարները, ջրափրկարարները և զինծառայողները որոնողափրկարարական աշխատանքներ իրականացնելիս մայիսի 11-ին, ժամը 18.03-ի սահմաններում սահմանային չեզոք գոտում' Տանձիկի ջրամբարում, հայտնաբերել են զինծառայող ավագ լեյտենանտ Մերուժան Հարությունյանի դին: Այս մասին հայտնում են Արտակարգ իրավիճակների նախարարությունից:

Ինչպես ավելի վաղ հայտնել էր Լուրեր.com-ը, մայիսի 1-ին Վայոց ձորի մարզում գտնվող զորամասերից մեկից կորել էր ավագ լեյտենանտ Մ. Հարությունյանը: Շրջանառվում էր անհետացման երկու վարկած.  կամ նա խեղդվել է լճում, կամ' մոլորվել: