Ռուսաստանը Հայաստանին նվեր կհանձնի շարժական կլինիկա-ավտոմոբիլ

ՌԴ-ի կառավարության կողմից Հայաստանի և Ղրղզստանի կառավարություններին շարժական բուժախտորոշիչ կլինիկաների հանձնման հանդիսավոր արարողությունը տեղի կունենա Արևելյան Եվրոպայում և Կենտրոնական Ասիայում ՄԻԱՎ/ՁԻԱՀ-ի հարցերին նվիրված չորրորդ խորհրդաժողովի շրջանակներում: Այդ մասին հաղորդել է «Ռոսպոտրեբնադզորը»:

«Մեր ծրագրում ունենք երկու ավտոմոբիլների ճանապարհում, իսկ դրանք թե′ ախտորոշման կենտրոններ են և թե′ բժշկական օգնության կենտրոններ, որոնք կմեկնեն Ղրղզստան և Հայաստան»,- խորհրդաժողովի կողասրահներում լրագրողներին պատմել է գերատեսչության ղեկավար Աննա Պոպովան:

Կլինիկաները գնվել են համագործակցության տարածաշրջանային ծրագրի շրջանակներում, որը կատարում է Ռուսաստանի «ՁԻԱՀ տեղեկատվական կապ» հասարակական կազմակերպությունը և ֆինանսավորում է ՌԴ-ի կառավարությունը: Շարժական կլինիկաներն արտադրում է Կամայի գործարանը:

Այցելքին աշխատում են չորս բժիշկներ՝ մանկաբարձ-գինեկոլոգ, թերապևտ, դերմատովեներոլոգ և լաբորանտ-բժիշկ: Բժիշկներից յուրաքանչյուրն օրական ընդունում է շուրջ 50 հիվանդ: Լաբորանտ-բժիշկը կատարում է խորհրդատվություն և թեստավորում՝ ՄԻԱՎ-ի, սեռական ճանապարհով փոխանցվող վարակների, հեպատիտ B-ի և տուբերկուլյոզի էքսպրես-անալիզներ:

Կլինիկայի հանձնման արարողությանը կմասնակցի Ռուսաստանում Հայաստանի դեսպան Օլեգ Եսայանը, հաղորդել է ՌԻԱ Նովոստին: