«Ես ավելին գիտեմ Գվարդիոլայի մասին, քան նա` իմ մասին». Կլոպ

Դորտմունդի «Բորուսիայի» գլխավոր մարզիչ Յուրգեն Կլոպի համար Գերմանիայի գավաթի եզրափակիչը հավասար է Չեմպիոնների լիգայի եզրափակչին:

«Ինձ համար Գերմանիայի գավաթի եզրափակիչը հավասար է Չեմպիոնների լիգայի եզրափակչին` Բեռլինում տիրող հրաշալի մթնոլորտի և խաղի հրաշալի կազմակերպվածության շնորհիվ: Ամեն դեպքում, նման ճանապարհորդությունն արժե դրան»,- նման հայտարարություն մանսագետն արել է լրագրողների հետ հանդիպման ժամանակ:

Խոսելով «Բորուսիա»-«Բավարիա» դիմակայության մասին` Կլոպը փաստել է. «Եվ իսկապես, վերջին 4-5 տարիներին երկու թիմերի դիմակայությունը ավելին է, քան հանդիպումը: Սակայն մենք հպարտ ենք կրկին եզրափակիչում խաղալու համար: Իմ կարծիքով, այս եզրափակիչը պետք է լինի լավագույններից մեկը»:

Անդրադառնալով «Բավարիայի» գլխավոր մարզիչ Պեպ Գվարդիոլայի կարիերայի զարգացմանը` Կլոպը մասնավորապես ասել է. «Ես հետևել եմ Պեպի կարիերային դեռ այն ժամանակից, երբ նա ֆուտբոլիստ էր: Հետո, իհարկե, նաև որպես մարզիչ: Մի խոսքով, ես ավելին գիտեմ նրա մասին, քան նա իմ մասին»:

Փորձելով գնահատել «Բորուսիայի» աշխատանքը անցնող մրցաշրջանում' Յուրգեն Կլոպը ասել է. «Ամեն ինչ կախված է գավաթի եզրափակիչից»:

 Գերմանիայի գավաթի եզրափակիչը կկայանա մայիսի 17-ին` Բեռլինի օլիմպիական մարզադաշտում: