Գազի հանձնաժողովը դռնփակ նիստ է անցկացրել

Այսօր Ազգային ժողովում տեղի է ունեցել Գազի հանձնաժողովի դռնփակ նիստ: Նիստից հետո ԲՀԿ խմբակցության պատգամավոր Միքայել Մելքումյանը հայտնել է, որ նիստի ժամանակ քննարկվել են աշխատանքային հարցեր:

«Մենք պատրաստվում ենք հունիսին՝ վերջին քառօրյայի ժամանակ, հաղորդումով հանդես գալ՝ միջանկյալ հաղորդումով»,- նշեց Մելքումյանը:

Վերջինիս խոսքով՝ ամենայն հավանականությամբ, հունիսի քառօրյայի ժամանակ հանձնաժողովի կողմից հարցադրում կարվի երկարացնելու վերջինիս գործունեությունը' հաշվի առնելով աշխատանքների ծավալը: