«Հրապարակ». Գորիսում կենաց եւ մահու պայքար է

Նախկին մարզպետը, որը նաեւ ՀՀԿ մարզային կառույցի ղեկավարն է, կենաց եւ մահու պայքար է մղում իր իշխանության համար: Մնում է Հանրապետականի արծվի փոխարեն Լիսկային պատկերեն՝ թեւերը թեկնածուների վրա աջ ու ձախ փռած: Նա աջակցում է «Հայջրմուղկոյուղի» ՓԲԸ Գորիսի մասնաճյուղի տնօրեն Վաչագան Ադունցին, որը 20 տարուց ավելի մարզում տարբեր ղեկավար պաշտոններ է զբաղեցրել եւ ՀՀԿ պաշտոնական թեկնածուն է:

Երեկ ավարտվեց թեկնածուների գրանցման ժամկետը: Մինչեւ վերջին պահը համառորեն լուրեր էին պտտվում, թե Բուդաղյան եղբայրներից կրտսերը՝ Արա Բուդաղյանը, կհրաժարվի պայքարից հօգուտ ընկերոջ՝ քաղաքապետի թեկնածու Տիգրան Կարապետյանի: Սակայն այդ լուրերը հերքվեցին: Արա Բուդաղյանն առաջադրվեց քաղաքապետի թեկնածու: Նույնն արեց նրա հանգուցյալ եղբայրը՝ Ավետիք Բուդաղյանը, 2010 թվականին, սակայն ընտրություններում պարտվեց ՀՀԿ-ական Նելսոն Ոսկանյանին:

Եվ այսպես, հունիսի 8-ին Գորիսի քաղաքագլուխ դառնալու համար երեկ գրանցվեց 4 թեկնածու. Վաչագան Ադունցը, երիտասարդ գործարարներ Տիգրան Կարապետյանը, որին, ըստ լուրերի, համակրում է մարզպետ Վահե Հակոբյանը, Արա Բուդաղյանը եւ ավագանու անդամ, «Շանի» հացաթխման արտադրամասի սեփականատեր Հրայր Յոլյանը: Նա, լուրերի համաձայն, նույնպես Ադունցի մարդն է, եւ չի բացառվում, որ ներդրված է մյուսներից ձայներ տանելու համար:

Շարունակությունը` «Հրապարակ» օրաթերթի այսօրվա համարում: