Շախմատային լրահոս

Վարուժան Հակոբյանի գերազանց ելույթը

Գրոսմայստեր Վարուժան Հակոբյանը շարունակում է իր գերազանց ելույթը Սենթ Լուիսում անցկացվող ԱՄՆ-ի առաջնությունում: Յոթերորդ տուրում նա տարավ երրորդ անընդմեջ հաղթանակը: Վարուժանը սևերով պարտության մատնեց գրոսմայստեր Ռեյ Ռոբսոնին և այժմ 5 միավորով միանձնյա գլխավորում է աղյուսակը: Ընգծենք, որ ԱՄՆ-ի առաջնությունում Հակոբյանի մարտավկան է նրա ընկերը' օլիմպիական եռակի չեմպիոն Գաբրիել Սարգսյանը:

ԱՄՆ-ի կանանց առաջնության հերթական տուրում հաղթանակ տարավ նաև գրոսմայստեր Տաթև Աբրահամյանը: Նա պարտության մատնեց գրոսմայստեր Սաբինա Ֆոյշորին: Այժմ Աբրահամյանը 6 հնարավորից ունի 4 միավոր և ընթանում է երրորդ տեղում: Աղյուսակը 5 միավորով գլխավորում է գրոսմայստեր Աննա Զատոնսկիխը. տեղեկացնում է armchess.am-ը:

 Կարեն Մովսիսյանի հաղթարշավը

Գրոսմայստեր Կարեն Մովսիսյանը (Հայաստան) շարունակում է իր հաղթարշավը Իսպանիայի Յուկմայոր քաղաքում անցկացվող օփենում: Հինգերորդ տուրում Կարանը սևերով պարտության մատնեց նորվեգացի ճանաչված գրոսմայստեր Սիմեն Ագդեստեյնին: Սա Մովսիսյանի հինգերորդ անընդմեջ հաղթանակն էր, և նա այժմ հարյուրտոկոսանոց արդյունքով բաժանում է 1-2-րդ տեղերը Սերգեյ Ֆեդորչուկի (Ուկրաինա) հետ:
Այսօր վեցերորդ տուրում Մովսիսյանը սպիտակներով հանդիպում է Ֆեդորչուկի հետ:

Հայ շախմատիստները «Աշխարհի պատանի աստղեր» մրցաշարում

Միջազգային վարպետներ Տիգրան Հարությունյանը (Հայաստան) և Դավիթ Պառավյանը (Ռուսաստան) Ռուսաստանի Կիրիշի քաղաքում անցկացվող «Աշխարհի պատանի աստղեր» մրցաշարում երկու տուրից հետո ունեն 1,5-ական միավոր և չորս այլ մասնակիցների հետ գլխավորում են աղյուսակը: