Էմմա Ուոթսոնը` թրենդային կանացի կերպարում (լուսանկարներ)

Օրերս տեղի ունեցավ արքայազն Ուիլյամի բարեգործական մեծ ընդունելությունը:

Բրիտանական արքայազնը, ով ակտիվորեն զբաղվում է բարեգործությամբ, գալա-ընթրիք էր կազմակերպել լոնդոնյան Վինձոր ամրոցում: Ընդունելությունը նվիրված էր «The Royal Marsden Hospital» կլինիկայի նոր մասնաճյուղի բացմանը և «The Royal Marsden Cancer Charity» հիմնադրամի գործունեությանը, որն աջակցում է քաղցկեղով հիվանդներին: Ուշագրավ էր այն, որ բոլոր հայտնի լեդիները գալա-ընթրիքին ներկայացան «Ralph Lauren»-ի հագուստներով, քանի որ հենց այդ հայտնի դիզայներն է աջակցում «The Royal Marsden Cancer Charity» բարեգործական հիմնադրամին:

Լոնդոնյան ընդունելությանը ներկա գտնվեց նաև անգլիացի հմայիչ դերասանուհի Էմմա Ուոթսոնը: Երիտասարդ կինոաստղը բացառություն չկազմեց` ներկայանալով «Ralph Lauren»-ի նոր հավաքածուի զգեստներից մեկով` մոխրագույն թրենդային երկար կիսաշրջազգեստով և սպիտակ դասական բլուզով: