«Սխալվեցի 2022 թվականի աշխարհի առաջնությունը Քատարում անցկացնելու որոշման մեջ». Բլատեր
Սպորտ
Ֆուտբոլի միջազգային ֆեդերացիայի նախագահ Յոզեֆ Բլատերը սխալ է համարում ֆուտբոլի 2022 թվականի աշխարհի առաջնությունը Քատարում անցկացնելու որոշումը: Հայտարարությունը նա արել է Շվեդիայի RTS հեռուստաալիքի եթերում:
«Անշուշտ, դա սխալ է: Բայց մենք բոլորս էլ սխալվում ենք»,- ասել է Բլատերը:
Նա նաև կարծում է, որ ստեղծված իրադրության հարցում մասնակիորեն մեղավոր են Ֆրանսիայի և Գերմանիայի իշխանությունները, որոնք ճնշում են գործադրել աշխարհի առաջնությունն ընդունող երկրի ընտրության գործընթացի վրա: Խոսելով այդ մասին՝ նա հիշել է Ելիսեյան պալատում կայացած հանդիպումը, որին Ֆրանսիայի նախկին նախագահ Նիկոլա Սարկոզին հրավիրել էր Քատարի Էմիրին և ՈՒԵՖԱ-ի ղեկավար Միշել Պլատինիին:
Ֆուտբոլի 2022 թվականի աշխարհի առաջնության անցկացման ժամանակը տակավին հաստատված չէ: Ամռանը Քատարում օդի ջերմաստիճանը հասնում է Ցելսիուսի 50 աստիճանի, և մասնագետներն առաջարկում են առաջնությունն անցկացնել ձմռանը:
Բլատերը հավաստել է, որ ժամանակի փոփոխման հավանականությունը մնում է, հաղորդել է «Ինտերֆաքս»-ը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
