Բեյոնսեն հրաժարվել է ռոմանտիկ դաջվածքից (լուսանկարներ)

Ամերիկյան մամուլում շարունակում են հայտնվել ասեկոսեներամերիկյան փոփ դիվա Բեյոնսեի և նրա ամուսնու' Ջեյ Զիի թվացյալ իդեալական հարաբերությունների մասին:

Աստղային ամուսինները գլխավորում են մոլորակի ամենահարուստ և ազդեցիկ զույգերի ռեյտինգային աղյուսակները, իսկ նրանց ընտանեկան կյանքը թվում է իդեալական. բոլոր լուսանկարներում` արված պապարացցիների, այնպես էլ` Բեյոնսեի կողմից, նրանք լայն ժպիտներով են և միասին շատ երջանիկ տեսք ունեն:

Բայց այն բանից հետո, երբ համացանցում հայտնվեց «Standard Hotel» հոթելի վերելակում նկարահանված աղմկահարույթ տեսանյութը, որում պարզորոշ կերպով երևում է, թե ինչպես է Բեյոնսեի կրտսեր քույր երգչուհի Սոլանժ Նոուլզը բռունցքներով հարձակվում Ջեյ Զիի վրա, երկրպագուները և մամուլը ենթադրություններ արեցին, որ հայտնի զույգի հարաբերություններում ամեն ինչ այնքան էլ անամպ չէ, ինչպես թվում է առաջին հայացքից:

Դրա մասին վկայում է նաև այն փաստը, որ վերջերս Բեյոնսեն որոշեց ազատվել ռոմանտիկ դաջվածքից, որն արված էր նրա նշանադրության մատանիի տակ: 4 թիվը, որն արտիստուհին դաջել էր մատնեմատի վրա 2008 թվականին' ի պատիվ ամուսնու ծննդյան տարեդարձի և իրենց հարսանիքի ամսաթվի, այժմ վերածվել է փոքրիկ սպիի: