«Առավոտ». «Մենք գործարարներ չենք, մենք սեփականատերեր ենք»

Վերջերս վարչապետ Հովիկ Աբրահամյանը հանդիպել է ամեխոշոր հարկատուների հետ: Ինչի մասին են նրանք պայամանովրվել՝ չգիտեմ. Տա Աստված, որ այդ խոշորները որոշեն, վերջապես, հարկեր մուծել, ինչում ես, ճիշտն ասած, խիստ կասկածում եմ: Բայց այստեղ ձեր ուշադրությունը դարձնեմ այն հանգամանքի վրա, թե ովքեր էին Հայաստանի ամոնախոշոր գործարարները: Երեւի, չեք զարմանա՝ նրանց 90 տոկոսը Ազգային ժողովի պատգամավորներ են:

«Բայց ինչպե՞ս, – գուցե կհարցնեք դուք, – չէ՞ որ գործարարությունն ու պատգամավորությունը արգելված է օրենքով»: Չնայած վստահ եմ, որ դուք շատ լավ գիտեք, որ Հայաստանում մարդիկ իշխանություն են ձեռք բերում՝ հարստանալու համար, եւ հակառակը՝ հարստանում են՝ աթոռներ ու մանդատներ ստանալու համար: Դա բոլորովին այլ մի աշխարհ է, որի հետ մենք, շարքային մահկանացուներս, առնչություն չունենք: Բայց այդ պայմաններում խոսել կոռուպցիայի եւ հովավուչության դեմ պայքարի մասին (այլեւս, կարծես թե, չեն էլ խոսում), մեղմ ասած, բավականին դժվար է:

«Մենք գործարարներ չենք, մենք սեփականատերեր ենք, – ասում ասում են գործարար-պատգամավորները եւ գործարար-նախարարները, – իսկ գործարարությամբ զբաղվում են մեր հարազատները»: Ուրեմն, երբ նրանք հանդիպում են վարչապետի հետ, նրանք խոշոր գործարարներ են, իսկ երբ պատասխանում են լրագրողների հարցերին՝ խոշոր գործարարների ամուսիններ եւ փեսաներ: Դե, այդ հավատով էլ, երեւի, շարունակենք ապրել:

Գործարար լինելու մեջ իսկապես ոչ մի վատ բան չկա: Ավելին՝ ես, օրինակ, այն կարծիքին չեմ, որ մեր օլիգարխները ինչ-որ բութ եւ անտաղանդ երեւույթներ են, որոնց ընդունակ չեն արժեքներ ստեղծել: Նրանք, անշուշտ, ունեն ձեռներեցի ջիղ, իսկ զբաղվում են թալանով բացառապես այն պատճառով, որ իրենց թույլատրվում է մոտ գալ գործադիր եւ օրենսդիր իշխանություննեին: Կոռուպցիոն սխեմաները հենց այստեղ են առաջանում: Եվ «մենք միայն սեփականտեր ենք» թզի տերեւը բացարաձակապես չի օգնում:

Շարունակությունը` «Առավոտ» օրաթերթի այսօրվա համարում: