«ՀԺ». «ՀՀԿ վերնախավի հոգու պոռթկումը»` Նիկոլ հեռացի՛ր

«Եթե նախկինում ՀՀԿ-ի հայտնի «տատիկը» իր ատելությունը արտահայտում էր միայն գոռգոռալով, ապա այս շաբաթ կառավարության շենքի առաջ նա եկավ արդեն ժամանակակից դիզայնով' հատուկ նյութի վրա տպագրված պաստառով (պաստառի բովանդակությունն է՝ «ՀՀ ազգի դավաճան «պատգամավոր» Նիկոլ Փաշինյան, որը ջրից միշտ չոր է դուրս գալիս, հեռացի՛ր քաղաքական դաշտից երկիրը թող հանգիստ»)։ Գրում է «ՀԺ»-ն:

ՀՀԿ-ի հայտնի «տատիկը» շատ է սիրում Սերժ Սարգսյանին եւ նույնքան ատում է Նիկոլ Փաշինյանին, ինչը ավելի քան բնական է: Բայց եթե նախկինում նա իր ատելությունը արտահայտում էր միայն գոռգոռալով, ապա այս շաբաթ կառավարության շենքի առաջ նա եկավ արդեն ժամանակակից դիզայնով' հատուկ նյութի վրա տպագրված «կապիտալ» պատրաստված պաստառով (նկարում): «Տատի, էդ պլակատը տպելու փողը ո՞վ է տվել»,- հարցրել է թերթի թղթակիցը: «Հովհաննես Թումանյանը»,- առանց երկար մտածելու ասել է տատիկը:

Այդուհանդերձ, հետաքրքիր է, թե ինչու է ՀՀԿ-ի տատիկի սեւեռվածությունը այդպիսի դրսեւորումներ ստացել, որը նույնիսկ ֆինանսական ծախսերի հետ է կապված: Այստեղ կարող է լինել երկու վարկած. առաջին վարկածն այն է, որ այսպիսով ՀՀԿ-ի տատիկը իր քաղաքացիական դիրքորոշումն է արտահայտում` ինչ-որ պատճառով դժգոհ լինելով պատգամավորի գործունեությունից: Այս պարագայում, բնականաբար, նա իր սուղ թոշակից միջոցներ է հատկացրել նման պլակատ տպելու համար: Սա չի բացառվում, որովհետեւ նման պլակատի տպագրությունն առանձնապես թանկ չէ: Երկրորդ տարբերակն այն է, որ սա ՀՀԿ վերնախավի հոգու պոռթկումն է: Ու քանի որ նրանք կամ դուխ, կամ լայաղ չեն անում փողոցում կանգնել նման պլակատով, այդ դերակատարումը վերապահել են ՀՀԿ-ի տատիկին:

Շարունակությունը՝ թերթի այսօրվա համարում։

Լուսանկարը` «ՀԺ»-ի: